Суултаар шинжихүй: Ерөнхийлөгч-тав тухыг эрхэмлэгч, УИХ-ын дарга-мөрөөдөгч, Ерөнхий сайд-нэг асуудлыг нөгөөгөөр солигч

2021-09-13 1039 0
Shares

Биеийн хэл их зүйлийг илэрхийлдэг гэдэгт итгэх эсэх нь таны хэрэг. Таны сууж байгаа байдлаар маш ихийг мэдэж болохыг сэтгэл судлаачид хэлж байна. Судлаачдын хэлж буй үнэн бол манай төрийн гурван өндөрлөгийн суулт чухам юуг өгүүлж байна вэ. Энэ тухай судалгааны матераилтай танилцахаас өмнө уншигчаас ирүүлсэн төрийн өндөрлөгүүдийн суулттай холбоотой зурвасыг танд хүргэе.

УИХ-ын даргын суулт ажилгүй эцэг суулт гэмээр. Улс орон яаж байна ер хамаагүй, буйдан дээрээ суучихаад суваг эргүүлж байгаа аятай л. Ихэмсэг гэхээсээ ядарсан ч гэмээр юм уу, за даа хөлөө ачна уу, буугаа зурна уу маньд ямар хамаа байна гэж харагдах аж.

Ерөнхийлөгч У.Хүрэлсүхийн суулт бол эзэн хаан суулт юм уу. Хөлдөө мөрний зайтай, бөг.сөө бүтэн байрлуулсан, зүүн гараа зүүн хөлний өвдөг дагуулсан, нуруу цэх гэх мэт. Улсын эзэн гэмээнэ ингэж суух буй за.

Ерөнхий сайд Л.Оюун-Эрдэнийн суулт бол нөгөө хоёрынхоо дэргэд “бацаан” суулт. Сандлынхаа гуравны нэг дээр цомцойчихоод, хичээлдээ хоцорч ирээд, нөхөж авах гээд тэвдэж суугаа хүүхэд шиг ч гэмээр. Нөгөө талаасаа ернь л бүх зүйлд тэвдсэн, тухгүй бга янзтай..за тэгээд миний л бодол хэмээн бидэнд ирүүлжээ.

Хувь хүнийг тодорхойлох тест: та яаж суудаг вэ?

Биеийн хэл их зүйлийг илэрхийлдэг гэдэгт итгэдэг судлаачид тэгвэл энэхүү суултын талаар чухам юуг хэлснийг хамтдаа сонирхоё.

Энэ суулт бол Ерөнхий сайдын суулттай тун ижил харагдаж байна. Үүнийг судлаачид ингэж тайлбарлажээ. Та асуудлыг өөрөө яваад өгнө гэж боддог. Энэ бол зөв хувилбар бус. Харамсалтай нь та нэг асуудлыг нөгөөгөөр солих ажээ. Таньтай харилцахад амархан: та сонирхолтой, санаачлагатай, дур булаам. Заримдаа ярих зүйлээ бодолгүй шууд хэлдэг, харин дараа нь хэлсэндээ харамсах тохиолдол гарах ажээ.

УИХ-ын даргын суулт ямар утгыг илэрхийлж байгааг одоо харцгаая. Тэрбээр мөрөөдөгч, тод томруунаар мөрөөднө. Та сайн сайхан шинэ санаагаар дүүрэн байдаг, энэ зан чанарыг тань хүмүүс үнэлдэг нь сайшаалтай. Аялах дуртай, найз нөхдийн хүрээгээ тэлэх хүсэлтэй. Өөрөө ямар нэгэн зүйлд сэтгэл хангалуун биш байвал бүгдийг шинээр эхлэхээс эмээдэггүй. Таныг аз жаргалгүй байлгах харилцаанд цагаа эхнээсээ л дэмий үрдэггүй нэгэн.

Харин Ерөнхийлөгчийн суулт дараах утгыг агуулж байна. Таны хувьд тав тух гэдэг хамгаас эрхэм. Ямар нэгэн зүйл худалдан авахыг хүсвэл зөв сонголт хийж байгаа эсэхээ хэдэн өдрөөр ч хамаагүй бодно. Бүх зүйл өв тэгш, төгс байхыг хүсдэг. Хувцас, гутал, үнэртэй ус, тавилга зэрэг сонгоход хүрвэл та маш зөв сонголт хийж чадна. Та муу орчинд хэрхэн ажиллахаа мэдэхгүй. Орон зайн баримжаа муу авдаг.

Та өөрөө ч тэр, бусдыг ч тэр хоцроосой гэж хүсдэггүй. Та ухаантай нэгэн. Хүнтэй маргалдах, өөртөө таагүй сэтгэгдэл төрүүлэх, олон нийтэд сэтгэл хөдлөлөө шууд илэрхийлэх дургүй. Таны хувьд үнсэлт гэдэг бол – ямар нэгэн чухал, нууц зүйл учраас тэр болгон үнсэлцээд байдаггүй. Та нээлттэй, өөрийгөө зөвөөр илэрхийлэхийг хүсдэг. Хааяахан бүдүүлэг зан авир гаргах талтай. Таны гэр – бат бөх ордон мэт, гэртээ та бүрэн утгаараа тайвширч өөрөөрөө байж чадна. Аливаа шүүмжлэлийг тэр болгон хүлээн авах чадваргүй учраас шууд өөрийгөө хамгаалж эхэлдэг.

Та хаашаа ч яардаггүй, аливаа зүйл өөрийн цаг хугацаатай гэж боддог. Зөрүүд, шаргуу, өөрийнхөө зорилгод хүртэл үхэн хатан зүтгэнэ. Гадаад үзэмж чухал үүрэг гүйцэтгэдэг гэж ойлгох тул маш их хичээл зүтгэл гаргадаг. Магадгүй гоё ганган харагдахыг хүсэж байгааг өөртөө тэр болгон итгэдэггүй гэдэг талаас нь авч үзэж болох юм. Та аливаа шүүмжийг тэр болгон хүлээн авдаггүй.

 

 

Shares

Холбоотой мэдээ