Хогийн цэг нэгээр нэмэгдлээ

2021-09-18 483 0
Shares

Хэнтий аймгийн Батноров суманд босгосон “Хүлэгбаатар Боорчи-Андлалын өргөө” хэмээх түүхэн аялал жуулчлалын цогцолбор байгууламж буюу бидний нэрлэж заншсанаар Андлалын хөшөөг баригдаж дуусалгүй балгаа захиалсан эздэдээ тарьж эхэлсэн асуудлаас үүдэн нураасан. Гэтэл Монголын түүхийн нэн чухал дурсгалт газар өдгөө өргөө ч үгүй, үндсэндээ хогийн цэг болж хувирчээ.

Тиймээс үүх түүхээрээ бахархаж ирсэн Ерөнхий сайд Л.Оюун-Эрдэнэ энэхүү түүхэн дурсгалт газарт 1.9 тэрбумаар байгуулсан хогийн цэгээ бас устгаад аваад явахыг иргэд хэлэх болов.

Уг баримлын зохиомжийг Монгол Улсын Урлагийн гавьяат зүтгэлтэн, уран бүтээлч  Д.Эрдэмбилэг гаргасан байна. Түүнээс хойш бүтээлийг барих үед уран бүтээлч нас барсан тул оюуны өмчийн гүйцэтгэлд өөрийнх нь бодсон шиг нь болсон эсэхэд талийгаач хяналт тавих боломжгүй болсон юм. Тиймээс ар гэрийнхэн нь оюуны өмчийг ашиглуулахгүй гэсэн хүсэлт гаргаж, төсвийг хохиролгүй болгоно гэж албан хүсэлт гаргасан тухай БОАЖ-наас мэдээллээ.

Байгаль орчин, аялал жуулчлалын яамнаас “Энэ цогцолборыг босгохтой холбоотой яам, гүйцэтгэгч, оюуны өмч эзэмшигчийн гуравласан гэрээг цуцлах асуудлыг шийдвэрлэх ажлын хэсэг гарчихсан ажиллаж байна. Энэ талаар БОАЖ-ын сайд өнөөдөр 15:00 цагт албан мэдээлэл хийнэ” гэлээ.

“Хос санаа”  компани хөшөөг босгосон бөгөөд одоо эргүүлээд буулгаж байгаа аж. Уран бүтээлчийн гэр бүл оюуны өмчийн компанитай, “Хос санаа” компани яамтай гэх мэт давхар гэрээтэй байсан бөгөөд оюуны өмчийн гэрээ цуцлагдахаар цаашид энэ ажил явах боломжгүй болсон гэв.

Shares

Холбоотой мэдээ