Эмүжин: Баянхонгорынхон энэ хоёр жүжигчнээ аваач ээ!!!

2021-01-11 828 3

Монгол Улсын Ерөнхийлөгч Х.Баттулга МҮОНТ-ийн захирал Н.Дэмбэрэл нарын ярилцлага гарсан даруйдаа олон нийтийн дунд талцлыг бий болгов. Эл хоёр эрхэм Баянхонгор нутгийн гаралтай хүмүүс тул энэ аймгаар овоглогддог олон хүн манай хоёр гэхчлэн ихэд сайрхаж бичсэн нь харагдана. Гэвч нутгийн хоёрын үндэсний төв телевизээр ярилцсаныг шүүмжлэх хүн олон байна. Тухайбал сэтгүүлч Эмүжин өөрийн цахим хуудсандаа дараах байр суурийг илэрхийлжээ.

Тэрбээр “-МҮОНТВ сэтгүүлчгүй болчихсон юм уу, яагаад энэ шинэ захирал нь эфирт гарах дадалгүй байтлаа ингээд инээх, ярвайхын хооронд нүд хальтартал мэргэжлийн бус байдалтай суугаад байгаа юм бэ, өрөвдчихлөө байна. Дэмбэрэлийн хөтөлсөн энэ нэвтрүүлгийг студи 600-д телевизийн уран бүтээлчдийг ойртуулалгүйгээр Hero entertainment нууцаар шахам бичиж, хөтөлбөр дайруулан оруулсан гэж МҮОНТВ-ийн уран бүтээлчид гомдоллож байна. Олон нийтийн телевиз таны хувийн студи болчихоо юу?

-Шинэ захирал Дэмбэрэл ямар муухай пялдага инээдэг юм бэ, эфирийн соёл, эфирт биеэ авч явах хэв маяг хаачив аа? Асуулт болгоныг амсуулаад л хаяад байх юм, сөрөөд, сөхөөд асуувал наад ярилцагч чинь нам сууна шүү дээ. Залуу хүн байна, дараагийн удаа битгий ингэж золионд гарч, зогсоолд гацаж байгаарай, за
-Манай Ерөнхийлөгчийн барих гэж 10 жил зүтгэсэн төмөр замыг зарим нэг хүн гацаагаад байсан гэж байна. Юу болоод байгаа юм бэ, Баттулга Баттулгадаа дэгээ тавиад өнөөг хүрсэн юм уу? Баруун хөлдөө зүүн хөл нь саад болсон гэв үү, жүдогийн мэх юм уу, энэ чинь?

-Оффшорт байгаа нэг сая доллараа оруулж ирээд ард түмэндээ тараах гэсэн чинь Хүрэлбаатар шүүрч аваад төсвийн алдагдлыг нөхөх гээд байгаа гэнэ ээ, тиймээс Монгол банк руу оруулж ирж тараах хууль санаачилсан гэж байна. Сангийн сайд Хүрэлбаатар “Оффшороос мөнгө оруулж ирвэл тухайн иргэний хувийн мөнгө мөн, эсэхийг эцэслэн тогтооно. Хувь хүний хөрөнгийг хураан авах асуудлыг зөвхөн шүүх шийднэ, Монгол хуульгүй, дүрэмгүй орон биш” гээд мэдэгдчихсэн шүү дээ. За тэгэхээр эхлээд хэн нэгний мөнгө орж ирэх юм байна. Тэрнийг нь хураан аваад тараах уу, үгүй юу гэдгийг шүүх шийднэ гэж байна. Гэтэл манай Ерөнхийлөгч Монгол банканд байршуулж байгаад тараана гээд байх юм. Хуульдаа багтах юм уу, худалчдаа найдах юм уу, хэлээд өгөөч ээ.

-Хүүхдийн төлөө фондын тухай тодорхой юу ч хэлсэнгүй. УИХ-ын гишүүн Б.Энхбаяр маш ил тод тайлбарласан шүү дээ. Хүүхдийн төлөө сан байгуулах Засгийн газрын шийдвэрийг УИХ-аар баталж байж энэ сан албан ёсоор, Засгийн газрын дэргэд байгуулагдах ёстой, хэро Баатар, Сангийн дэд сайд тэргүүтэй нөхөд шалгуулах хэрэгтэй гэсэн. Гэнэт сан байгуулаад ард түмнээс 2,11 тэрбум төгрөг яаран сандран татсан нөхөд шалав түргэн шалгуулна уу. Тэднийг шалга гэж Ерөнхийлөгч яагаад хэлсэнгүй вэ?

-Хэро Баатар энэ энхрий хайрт Ерөнхийлөгчдөө харааны шил зүүлгээч ээ, хөөрхий нүд нь анийгаад “агшаад” байх юм, өмнөөс нь бүүр ядарчихлаа. Би ч бас харааны шилгүй үедээ худалч амьтан шиг үзээрийн анивчина шүү дээ.Тэгээд бас үсийг нь хэн хаана хулгайгаар засчихав даа, хоёр шанааг нь хавчийлгаад хацрыг нь занхайлгаад чухам хэрэг алга. Уг нь аятайхан имижтэй шд.

-Манай Ерөнхийлөгч мөнгө амласаар байгаад яасан ч их өрөнд орчихсон юм. Яах гэж ингэж энэ амьтныг чадахгүй ажлыг нь хийлгэж зовоож байдаг юм бээ. Мөнгө хайгаад одоо бүр ядаргаанд орлоо, өөрийнх нь оффшорт байгаа 1.0 сая долларыг л бүх иргэндээ хуваагаад оногдсоноо авъя л даа. Арай амар биш үү? Ер нь тэгээд яагаад мөнгө л бол тараана гээд байдаг юм бэ, үйлдвэр баръя л даа.

-Эцэст нь, энэ хоёр жүжигчнээ аваач ээ. Хоёулаа мэргэжлийн бус, маш муухай харагдаж байна. Гучхан минутын ярилцлагад асуулт хариултаа хаашдаа л бэлдээд орсон байж сайн цээжлэхгүй яасан юм бэ? Ядаж араас нь хатуу нэхэлтэй, хазгай явдалтай асуултыг шахуу тавиад, шахаад явсан бол үнэмшилтэй шд…гацаж ээрдэг машин шиг хэцүү юм бээээ” гэжээ.

Холбоотой мэдээ