<style type="text/css">.wpb_animate_when_almost_visible{opacity:1}</style>

2019 оны ерөнхий зурхай

2019-01-15 12:54 681


2019 оны ерөнхий зурхай

Хонь

2019 оны ерөнхий зурхайТөлөв: Өөрийгөө харуулах, амжилтаа бататгах жил. Шинэ ондоо хийх зүйлээ төлөвлөхийн өмнө улирч одсон 2018 онд өөрийн хийсэн бүтээснээс эхлээд амжуулж чадаагүй зүйлсээ дүгнээрэй. Ингэвэл шинэ онд хүрэх зорилгоо тодорхойлоход чинь, амжилтанд тань хэн, юу илүү нөлөөлөх бол гэсэн асуултууддаа төгс хариулт авч чадна. Хонины ордыг ивээгч Буд гарагийн нөлөө ажил, бизнест тань эергээр нөлөөлнө. Гэхдээ хууль зөрчсөн үйлдэл хийх нь оны эцэст сөхөгдөж том гарз учруулж магадгүй гэсэн оддын зөвлөгөөг санаж яваарай. Шинэ онд аз од, амжилт бүтээл, алба тушаал ахих, ашиг орлогоо нэмэгдүүлэх боломж шил шилээ даран гарч ирэх болно.

Хайр: Зарим үед хэлээ хазаад өнгөрөх нь гэр бүлээ, хайртай хүнээ алдахаас авардаг юм шүү. Хайртай, дотнын хүмүүстээ тавих анхаарал халамжаа сулруулахаас сэрэмжил. Ганц бие Хонины ордныхон үлдсэн амьдралаа хамтдаа өнгөрөөх нэгнээ олох болно. Гэр бүл зохиохыг яарахгүй байгаа ч хайрлах нэгнээ олсон бол харилцаагаа хадгалж үлдэх тал дээр анхаарч романтик байдлаа битгий алдаарай.

Эрүүл мэнд: Дархлаагаа сайн дэмжээрэй. Эс бөгөөс аливаа өвчний халдвар амархан авч, харшил хүндрэх бололтой. Амьдралын буруу хэв маяг,  цагаа зохицуулж чаддаггүй байдал, хэт их ачаалал эрүүл мэндэд чинь нэрмээс болж магадгүй. Эрүүл биед саруул ухаан гэсэн үг байдгийг санаж яваарай.

Мөнгө: 2018 онтой харьцуулахад санхүү илт сайжирна. Жилийн дундуур их хэмжээний орлого олох боломж гарч ирнэ. Эрсдлээс айлгүй бүхнээ дайчлан ажиллавал мөнгөний ертөнц үүдээ нээж байна.

Үхэр

2019 оны ерөнхий зурхайТөлөв: Ирж буй он Үхрийнхэнд аз, амжилт амлаж байна. Эрч хүчээ зөв хуваарилж зорьсон зорилго бүрээ биелүүлээрэй. Учир нь 2019 он Үхрийн ордныхны жил байх болно. Хамгийн гол нь жижиг зүйлст сатааралгүй том зорилтоо хэрэгжүүлэхэд бүх хүчээ дайчил гэж одод шивнэж байна.

Хайр: Сэтгэл хөдлөл оюун ухаанаас давж гарах бололтой гэж одод анхааруулж байна. Бүтэлгүй хайрын түүхээ мартаад бүхнийг цоо шинээр эхлүүлэхэд бэлдээрэй. Сэтгэлээ нээж ярилцах нь өөрийгөө ойлгож авахаас нэг арга гэдэг. Тиймээс итгэлт хүндээ хайрынхаа харилцаанд тулгарч буй асуудлуудаа хуваалцаж байхыг зөвлөе. Сэтгэл хөдлөл маш хүчтэй байх бөгөөд үүнийгээ хянаж сурахгүй бол хайрын харилцаагаа сүйтгэж магадгүй гэдгийг анхааруулах байна.

Эрүүл мэнд: Өмнө дурдсанчлан хайр дурлалын асуудлаас болж сэтгэл хөдлөлдөө хэт автахгүйг хичээ. Сэтгэл хөдлөлөө хянаж чадахгүй бол сэтгэлзүйн гүнзгий хямралд өртөж болзошгүй. Харин бие махбодийн хувьд элдэв асуудалгүй, эрүүл чийрэг, цовоо сэргэлэн байх нь. Иог, бясалгалаар хичээллэж оюун ухаанаа тайвшруулж, бие махбодио сэргээж авахад илүүдэхгүй.

Мөнгө: Ирэх жил Үрүүд мөнгө санхүүгийн тал дээр амжилттай байхыг одод зөгнөжээ. Овсгоотой зан, бүтээлч байхад санхүүдээ санаа зоволгүй бүтэн жил байж чадахаар байна. Үрэлгэн зангаа хямгадаж, олсон ашгаасаа хуримтлал үүсгэн ирээдүйдээ хөрөнгө оруулаарай. Аялал зугаалгаар явах, эртнээс төлөвлөсөн сургалтандаа суухад олж буй ашгийнхаа нэг хэсгийг зарцуулж ч болно шүү дээ.

Ихэр

2019 оны ерөнхий зурхайТөлөв: Нэгэнт тогтсон гэж бодож буй хэв маяг, хуучинсаг үзэл бодлоо өөрчилж чадвал 2019 он Ихрүүдийн гарт байх болно. Баяр хөөр дагуулсан олон үйл явдал дунд шинэ оныг өнгөрүүлэх бололтой. Гурав, долоо, арваннэгдүгээр сард амьдралыг чинь бүхэлд нь өөрчилж чадах үйл явдал тохионо.

Хайр: Ажилдаа хэт улайрч бүх цагаа зориулснаас үүдэн гэр бүлийн харилцаанд үл ойлголцол үүснэ. Аливаа зүйлийн тэнцвэрийг олохын чухлыг шинэ онд ой тойндоо шингэтэл ойлгох бололтой. Санамсаргүй байдлаар хайртыгаа хуурах, араар нь тавих нөхцөл үүсч магадгүйг одод анхааруулж байна. Ганц бие Ихрийнхэн таалагдсан нэгэнтэйгээ хурдан дотносохыг яарах хэрэггүй. Учир нь хүн бүр гадна төрх шигээ “дотор”-той байдаггүйг санаарай.

Эрүүл мэнд: Хорт зуршлаасаа болж эмнэлгээс салахгүй байх бололтой. Өөрийгөө өмөөрч өөгшүүлэлгүйгээр хорт зуршлаасаа салж, хатуу дэглэм баримтлах цаг ирснийг шинэ онд ойлгож авна. Эрүүл мэнд эрхэм баян гэдгийг санаж яваарай.

Мөнгө: Санхүүгийн байдал хэвийн. Ажлын амжилт мөнгөний хэмжээнд тань шууд нөлөөлөхгүй л болов уу. Гэхдээ ажил дээрх амжилт оны сүүл гэхэд өндөр цалинтай шинэ албан тушаалын санал, өндөр цалинтай хамт бэлэг болон ирж магадгүй. Байгаадаа сэтгэл хангалуун байж, олсноо зөв зарцуулах нь амар тайван амьдралын үндэс юм шүү.

Мэлхий

2019 оны ерөнхий зурхайТөлөв: Ирэх онд дэмий зүйлд эрч хүч, сэтгэл зүрхээ үрж дуусах бололтой гэдгийг оддын байрлал харуулж байна. Хүний бие, оюун санааны эрч хүчинд ч гэсэн хэмжээ хязгаар гэж бий. Тиймээс чухал зүйлсэд л үүнийгээ зориул. Амжилт гэдэг бүгдэд оролцдог нэгэнд биш чухал зүйлдээ анхаарч ажилласан хүнд л хамаатай гэдгийг санаарай.

Хайр: Ганц бие мэлхийнүүд заяаны ханьтайгаа учирна. Зүрх сэтгэл чинь хэн нь вэ гэдгийг ялгаж өгнө. Харин гэрлэсэн Ихрийнхэн хүүхэдтэй холбоотой асуудлаас бол муудалцаж магадгүй. Гэрлэлтийн үнэ цэнэ нь нэг зүгт харж чадах тэр чадвар гэдгийг, үр хүүхэд амьдралын гэрэл гэгээ, хамгийн үнэтэй бэлэг болохыг бүү мартаарай.

Эрүүл мэнд: Өөрийнхөө эрүүл мэндийг та өөрөө л хамгаалж чадна. Тиймээс идэж буй хоол хүнс, стресс, сэтгэл гутралдаа анхаарлаа хандуулж эрүүл зүйд тэмүүлээрэй. Хэтэрхий их сэтгэл хөдлөл, ялангуяа сэтгэл гутрал хоол боловсруулах эрхтэн тогтолцоог тань хямраах бололтой. Эрүүл мэнддээ шинэ оныг хүлээлгүй яг өнөөдрөөс анхаараарай.

Мөнгө: Үл хөдлөх хөрөнгөтэй холбоотой маргаанд орооцолдож магадгүй. Их мөнгөн дүнтэй худалдан авалт эрсдэл дагуулна. Тиймээс өндөр дүнтэй худалдан авалт хийх бол 7 хэмжиж 1 огтлохыг хичээгээрэй. Орлого өмнөх оноос үл ялиг нэмэгдэнэ. Мөнгө санхүүгийн байдал сүрхий өөрчлөгдөхгүй.

Арслан

2019 оны ерөнхий зурхайТөлөв: Бүхний тэргүүнд өөрийгөө тавина. Үүнийхээ үр дүнд бусдыгаа манлайлан, ажил мэргэжилдээ гялалзаж, ур чадвараараа ялгарч чадна. Энэ байдал зөвхөн мэргэжилдээ дуртай, хайртай Арслангуудад л хамаатай. Хэрэв та цалингийн төлөө дургүй ажлаа хийдэг Арслан бол ажлаа сольж байж амжилтанд хүрнэ. Шинэ он таны хүсэл зорилгыг дэмжих олон боломжуудаар бэлэг барина. Эрсдлээ тооцоолоод боломжийг ашигла. Энэ он зөвхөн зоригтой, тэмүүлэлтэй Арслангуудад л амжилт авчирна. Эрсдэл гаргаж чаддаггүй хүн оргилуун дарс буудуулдаггүй гэдэг.

Хайр: Өөрийнхөө юуг ч нуулгүй илэн далангүйгээр хажууд нь байж чадах нэгэнтэй танилцана. Хэрэв та ганц бие бол тэр таны заяаны хань, харин гэр бүлтэй арслан бол үүрдийн үнэнч, дотно найзаа олжээ гэсэн үг. Хайр гэдэг зөвхөн дурлалын тухайд яригддаг зүйл биш гэдгийг ойлгуулах нь 2019 оны нэг бэлэг байх болно.

Эрүүл мэнд: Хавартай зэрэгцэн багахан тавгүйрхэнэ. Тиймээс жижиг гэлтгүй зовиураа эмчид үзүүлж шинжилгээ хийлгээрэй. Аливаа өвчлөлийн эдгэх магадлал хэр эрт оношлуулснаас шууд хамаардаг юм шүү. Эрүүл мэнд эрхэм баян гэдэг.

Мөнгө: Санхүүгийн эрсдэл өндөртэй жил байх болно гэж одод анхааруулж байна. Тиймээс хөрөнгө оруулалт, худалдан авалт, бусдад зээлдүүлэхээс өмнө үүсч болзошгүй эрсдлийг заавал тооцож үзээрэй.

Охин

2019 оны ерөнхий зурхайТөлөв: Товчхондоо бол өөрчлөлтийн жил. Алхам бүрээ хянаж, шийдвэр гаргаарай. Энэ жил таны хийсэн алхам бүр амьдралыг чинь уруудах, өгсөхийн дэнсэнд тавих болно. Айх хэрэггүй, Охиныхон 2019 онд ухаалаг, хянуур зангаа ашиглан эерэг өөрчлөлтийг авчирна гэдэгтээ итгээрэй.

Хайр: Ганц бие Охиныхон зун гэхэд хуримын урилга тараах бололтой. Гэр бүлтэй охиныхон дотроо хадгалж ирсэн гомдлоо гаргана. Энэ нь гэр бүлд тань үүсээд байсан үл ойлголцлыг өөрчлөн эвлэрүүлэх, бүхнийг ахин эхлүүлэх эхлэл болно. Заримдаа гуниг, гомдлоо сэтгэлээсээ чөлөөлөх нь эерэг үр дүн авчирдаг гэдэг.

Эрүүл мэнд: Эрүүл мэндийн байдал дунд зэрэг. Байнга хэрэглэдэг эм, тариагаа ойрхон байлга. Бусдын халамжаас бүү татгалз. Дотно хүмүүсээрээ хайрлуулан халамжлуулах нь эрүүл мэнд, сэтгэл санаа, тэр ч бүү хэл ажлын амжилтанд ч сайнаар нөлөөлдөг юм шүү.

Мөнгө: Энэ онд гаргасан эрсдэл дагуулсан шийдвэрийн чинь гор ирэх жил ч арилахгүй нь бололтой. Санхүүгийн хямрал, мөнгөгүйдэх асуудал зун хүртэл үргэлжилнэ. Тиймээс үрэлгэн, мөнгийг үнэлдэггүй зангаа татахад нөлөөлсөн уг хямралыг сургамж болгон хүлээж аваарай.

Жинлүүр

2019 оны ерөнхий зурхайТөлөв: 2019 он бол гэр бүл, хайр дурлалын жил байх бололтой. Таниас гарсан халамж, хайр, дотно хүмүүстээ тавих анхаарал шинэ онд усны ундарга мэт арвин байх нь. Үүнийхээ хариуд стресс бухимдлаасаа салж, амар амгаланд шилжиж, ажлын эрч хүчээ нөхөж авна. Ажил хэргийн бүтэйлгүйтлийг ч мартуулж чадах хүч хайртай хүмүүст чинь бий гэдгийг мэдэж авах нь 2019 онд Жинлүүрийнхэнд өгөх оддын бэлэг бололтой. Бэлэг бүр содон, сайхан зүйлсийг авчирдаг гэдгийг бүү мартаарай.

Хайр: Ганц бие Жинлүүрүүд удаан хугацааны харилцааныхаа эхлэлийг тавих нэгэнтэй намрын шаргал өдрүүдэд танилцана. Гэхдээ гэр бүл зохиох, хүүхэдтэй болох зэрэг асуудлыг түр хойш нь тавиарай. Учир нь энэ онд ажил үйлс бүтэмж муутай байх, ажлаа солих зэрэг тааварлашгүй зүйлс тохиолдох магадлал өндөр байгаа учир шинэ бүхэн зэрэгцэх нь бүгд нурах эрсдлийг нэмэгдүүлнэ.

Эрүүл мэнд: Шоу цэнгээн ихэдвэл эмнэлэгт хэвтэх хүртэл хэмжээнд эрүүл мэнд дордох болно. Бөөр, элэг зовиурлах бололтой. Амралт, ажлаа зохицуулаарай.

Мөнгө: Санхүү тогтворгүй байна. Мөнгө олох гэж арга заль хэрэглэх, шударга бус зүйл хийж хэрэггүй. Гэнэт орж ирсэн их мөнгө гарын салаагаар урсаж алга болно, харамсалтай нь үүнийг өөрчилж чадахгүй. 2019 он тэр чигтээ санхүүгийн тогтворгүй байдал дунд өнгөрнө.

Хилэнц

2019 оны ерөнхий зурхайТөлөв: Хилэнцийнхнийг 2019 онд олон шалгуур давах болох нь. Шинэ сорилтуудтай тулгарч байж мөрөөдөл, зорилгоо биелүүлнэ. Алдвал туршлага сууж, оновол амжилт гаргах тийм л жил таныг хүлээж байна. Завгүй хөдөлмөрлөхийн зэрэгцээ гэртээ хүлээж суугаа дотны хүмүүстээ ч анхаарлаа хандуулахаа мартаж болохгүй.

Хайр: Хайр гэдэг хүслээр болдоггүй гэдгийг харуулна. Араар тавилт, үйл ойлголцол, салалт гээд хайрын олон асуудлууд ар араасаа урсана гэдгийг оддын байрлал анхааруулж байна. Ганц бие Хилэнц хайр дурлалд яарах хэрэггүй. Гэр бүлтэй Хилэнцийнхэн биеэ барьж чадалгүй хайртай хүмүүсээ гомдоох үг, үйлдэл гаргаж магадгүй. Ажил, бизнесийн асуудлаа босгоныхоо гадна үлдээж сураарай.

Эрүүл мэнд: Амралт, амралт, бас дахин амралт. Ирж буй онд танд дутагдах, эрүүл мэндэд тань хэрэгтэй ганц зүйл нь сэтгэл сана, бие махбодийн амралт байх болно. Завгүй өдрүүдийн дараа өөртөө ядаж 1 цагийн амралт, тайвшрал өгөх газар очоорой. Спа, массаж, иог, бясалгалаас тухайн өдрийнхөө байдалд тохирох амралтыг сонгож амраарай.

Мөнгө: Санхүүгийн асуудал гайхамшигт амжилттай байх болно. Хэд хэдэн төсөл хэрэгжүүлснээр мөнгөний урсгалыг атгаж чадна. Энэ нь зөвхөн орлого нэмэгдүүлээд зогсохгүй ажлын дээрээ ч амжилт гаргахад нөлөөлнө.

Нум

2019 оны ерөнхий зурхайТөлөв: Итгэл үнэмшилдээ хөтлөгдөх жил. Эрч хүч, сэтгэл хөдлөл, бусадтай харилцах харилцаа чинь ажил хэрэг, хувийн амьдралд нөлөөлнө. Шинэ онд танилцсан хүн бүр чинь ирээдүйн ажилд тань ямар нэг сэжмээр холбогдож, тус хүргэнэ. Эерэг бүхнийг хураан цуглуулсан амжилт дүүрэн 2019 оноо угтаж аваарай.

Хайр: Хайрын харилцаандаа өөрчлөлт хийхэд таатай. Үерхлээ гэр бүлийн харилцаанд аваачих, ам бүл нэмэх, шинэхэн харилцаа эхлүүлэх гээд хувийн амьдралдаа орж ирж буй бүхнийг таатай хүлээн аваарай. Аз жаргалын тал нь хайр дурлал, дотнын хүмүүсийн хүрээлэл дунд байх явдал юм шүү.

Эрүүл мэнд: Дархлаагаа дэмжихгүй бол хууч өвчин сэдрэх бололтой. Хамрын ханиад хүрсэн ч тэр дор нь нам дарах арга аваарай.

Мөнгө: Санхүүгийн асуудал тогтвортой. Ажлынхаа хөлсөөр л амьдрах бололтой. Илүү зүйлд шуналгүй байгаагаа болго гэсэн зөвлөгөөг одод өгч байна.

Матар

2019 оны ерөнхий зурхайТөлөв: Өгөөмөр сайхан жил айсуй. Тиймээс хийе гэсэн зүйлсээ хойш нь тавилгүй оны эхний өдрөөс л шийдэмгий ажилла. Ажил хэрэг амжилттай байх ч харилцагч, хамтран ажиллагчидтайгаа үл ойлголцох явдал мэр сэр тохионо. Албан тушаал дэвших хүсэл тань хэвээр бол бусадтай алсын хараатай, ирээдүйн зорилготойгоор харилцаарай. Найрсаг зангийнхаа ургацыг намар хураах болно.

Хайр: Хайрын харилцаа бүхэлдээ өрсөлдөөнтэй байх бололтой. Өрсөлдөөнд ялсан Матрууд харилцаагаа шинэ түвшинд аваачина. Гэр бүлээрээ аялалд явж, хамтдаа цагийг өнгөрүүлснээр харилцаа бэхжиж, итгэл батжина.

Эрүүл мэнд: Эрүүл мэнд гэдэг биеэ гамнахаас эхтэй. Ажлынхаа цагийг богиносгож, амралтын өдрүүдийг өөртөө болон гэр бүлдээ л зориул. Ямар нэгэн халдвараас сэрэмжилж байхад илүүдэхгүй.

Мөнгө: Гэрээ хэлэлцээрт болгоомжтой ханд. Хэтэрхий итгэмтгий гэнэн байснаар санхүүгийн алдагдал хүлээх болно. Мөнгөнд биш гэрээнийхээ учир утга, үр дүнд анхаарч чадвал санхүүгийн асуудлаа шийдэж чадна.

Хумх

2019 оны ерөнхий зурхайТөлөв: Зургаан жилд ёс юм шиг тохиодог томоохон өөрчлөлт 2019 онд тохионо. Ажил хэрэг таатай боломжуудаар дүүрэн байх учир ирээдүйтэй, ашигтай, утга учиртай цөөн хэдийг нь л сонгоорой. Албан тушаал дэвших, ажлаа солих, бизнес эхлүүлэх гээд юу ч хийсэн үр шимийг нь шинэ он хэд дахин өсгөж өгнө. Амжилт өөд урагшаа Хумхуудаа.

Хайр: Гэр бүлийн харилцаандаа анхаарч хосдоо анхаарал халамжаа мэдрүүлэхгүй удвал салалтаар төгсөх болно. Хайрыг өдөр бүр уславал өнгө өнгөөр дэлгэрдэг цэцэгтэй зүйрлэдэг нь энгийн зүйл биш юм шүү. Халамж энхрийллийнхээ хариуд гайхамшигтай бэлэг, санаанд оромгүй романтик мөчүүдийг мэдрэх болно.

Эрүүл мэнд: Шинэ онд хумхынхныг зовоох ганц асуудал нь харшил байх бололтой. Хүйтэн халуунаас харшлахаас эхлээд идэж буй зүйлээсээ ч ноцтой харшил авч болзошгүй. Анхаарал сэрэмжтэй байгаарай.

Мөнгө: Санхүүгийн байдал шинэ оны эхнээс нааштай байж сайжирна. Тооцоотой байж чадвал өр зээлээ дараад зогсохгүй мөнгөн хуримтлалтай ч болох боломжтой.

Загас

2019 оны ерөнхий зурхайТөлөв: Карьер хөөх жил ирлээ. Аз сорьсон ажил амжилт авчирах төдийгүй бусдаас товойн гарч, ялгарч чадвал хүссэн бүхнээ авах болно. Бизнесийн салбарт ч гялалзах боломж гарч ирнэ гэж одод шивнэж байна. Тохиромжтой мөчийг хүлээн биеэ бэлдээрэй.

Хайр: Гэр бүлдээ цаг зарцуулахаас хойш бүү суу. Хайртай, дотнын хүмүүсээ хоёрдугаарт тавилаа гээд ажлын амжилт нэмэгдэхгүй л болов уу. Тэдний дэмжлэг туслалцаагүйгээр өнөөдрийн амжилтанд хүрэх байсан уу гэдэг асуултын хариултаас ачийг нь хэрхэн хариулах ёстойгоо ойлгоно.

Эрүүл мэнд: Эрүүл хооллолт. Энэ бол Загасны ордныхны эрүүл чийрэг байх гол нууц байх болно.

Мөнгө: Гачигдалтай жил болох төлөвтэй. Мөнгөний гачигдал гэр бүлийн харилцаанд ч сөргөөр нөлөөлж магадгүй. Өнгөрсөн оны өр зээл шинэ онд нэхэгдэж энэ бүхнийг даван туулахын тулд тэнцвэртэй, тооцоотой хандаж шаардлага үүснэ. Мэдээж бүхнийг шийдэх боломж хэзээд байдаг гэдгийг санан сэтгэлээр бүү унаарай.

Сэтгэгдлүүд:

                                                                                                                                                                    

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Khongor.mn сайт хариуцлага хүлээхгүй.


blonde lace wigs

 

[60.224.118.119]

 

2019-01-21 16:01:43

These blonde lace wigs https://youtu.be/3KO3e4I3_24 are so classy, and so great! They were supposed for being a Xmas present from my mates,



Сэтгэгдэл үлдээх