Яг жилийн өмнө тууз хайчлаад ашиглалтад хүлээж авсан Орхон аймаг, Эрдэнэт хотод баргидсан “Аялгуу” соёлын төв жилийнхээ ой дээр хүний хөл тавиагүй байхдаа хэмхэрч, соёлын үйлчилгээ битгий хэл, хүн суух аргагүй болтлооо эвдрэлд оржээ.
Тус төвийг БШУСЯ-ны 1.5 тэрбум төгрөгийн санхүүжилтаар “Хөх тавилан” ХХК 2019 оны наймдугаар сард барьж эхэлсэн бөгөөд 2021 оны нэгдүгээр сарлд ашиглалтанд оруулж байсан ч цар тахлын улмаас үйл ажиллагаа явуулж амжаагүй байсан юм. Хүний хөл тавиагүй байхад хагарч, цуурч буй гангар шаазин шиг Аялгуу соёлын төвийн барилга одоо дээврээсээ дусал гоожиж, хаана туурга цуурч заадсаараа хагараад эхэлжээ. Өөрөөр хэлбэл төсвийн хөрөнгө оруулалтын 1.5 тэрбум төгрөг балгас болоод дуусаж байж болзошгүй юм.
Энд дурдагдаж буй “Хөх тавилан” ХХК нь 2018 онд Орхон аймагт “Унага” цэцэрлэгийн шугамын засварын ажлыг гүйцэтгэсэн “Эрдэнэт-УС”-ОНӨҮГ-тай хийсэн гэрээний дагуу 2019 оны 5-р сарын 15-наас хойш цаг агаарын байдлыг харгалзан үзэж авто зогсоолын ажлыг хийж гүйцэтгсэн гэх мэдээлэл бас бий.
Эндээс үзэхэд дарга нарын “халаас”-ны байх магадлал бүхий энэ компани төсвийн ажлыг хамгийн эхэнд авчихаад “хулхи” барилга бариад арилаад өгдөг байж болзошгүй байна.
