Баянхонгор аймгийн Засаг даргын Тамгын газраас иргэдийн сурч боловсрох эрх зүйг сайжруулах, олон нийтийн мэдлэг боловсролыг дээшлүүлэх, олон улсын хамтын ажиллагааны хүрээнд хамтран ажиллах, сургалт, судалгаа, насан туршийн боловсролыг дэмжих, төрийн албан хаагчдыг дэмжих гэсэн чамин нэрэн доор Монголын Үндэсний их сургуульд ЕБС төгсөгчид, төрийн албан хаагчид, тэдний ар гэрийг сургах гэрээг байгуулжээ. Боловсролын тэгш, хүртээмжтэй байдлыг бий болгох тухай ярьж буй өнөө үед нэг хувийн байгууллагад давуу байдал олгож, улмаар төрийн албан хаагчид, дөнгөж ахлах сургуулиа төгсөж буй сурагчдыг хүчээр нэг сургуульд сургах агуулгатай гэрээ болсон хэмээн эцэг, эхчүүд шүүжилж, бухимдлаа илэрхийлж эхлээд байна.
Баянхонгор аймгийн Засаг дарга Д.Мөнхсайхан, МҮИС-ийн ерөнхий захирал Л.Мөнхбат нарын тохиролцоогоор МҮИС-ийн орой, эчнээ, өдрийн ангийн 14 хөтөлбөрт Баянхонгор аймгийн төрийн албан хаагчид хөнгөлөлттэй суралцах, аймгийн харьяатай иргэд, албан хаагч, тэдний гэр бүлийг мэргэжлийн болон богино хугацааны сургалт курст сургах, ЕБС-ийн төгсөгчдийг гадаадад сургана гэсэн лоозонгоор дамжуулан заавал МҮИС-д сургах сургахад талууд тохиролцон гэдгийг албан ёсны хуудсаараа дамжуулан мэдээлжээ.
Ташрамд дурдахад Монголын Үндэсний их сургууль нь Монгол Улсын их сургуулийн нэртэй андуурагдаж, У, Ү хоёрыг ялгахгүй сурагч, эцэг эхчүүд МУИС-тай андуурч элсдэг хэмээн шүүхдэж байсан удаатай.
